|
|
| |
 |
| Pal Ofis ar Brezhoneg eo termenañ ha lakaat da dalvezout an oberoù da embreger evit kas war-raok ha diorren ar brezhoneg e kement tachenn zo er vuhez sokial ha foran. |
| |
|
 |
| |
Ofis ar Brezhoneg, diazezet e miz Mae 1999 diwar intrudu Rannvro Breizh, gant skoazell Ministrerezh ar Sevenadur hag ar C'hehentiñ, a labour evit ar strollegezhioù lec'hel pennañ e Breizh (rannvro, departamantoù, kêrioù), hag e c'hall labourat er pemp departamant a Vreizh.
Krouidigezh Ofis ar Brezhoneg, hag eñ kentañ benveg a seurt-se krouet e Frañs evit ar yezhoù tiriadel disheñvel diouzh ar galleg, zo anezhi un araokadenn vras evit ar brezhoneg. En un endro kontrol da vat (diouer a statud lezennel, koll dizehan a gomzerien), ez eo disoc'h ur preder hollek gant strollegezh-rannvro Breizh he deus divizet cheñch penn d'ar vazh en ur bourchas ur benveg a-ratozh gouestlet d'ar yezh.
Meur a dachenn labour zo lodek er gefridi hollek-se e-sell da gas implij ar yezh war-raok er vuhez foran. Pep hini anezho a glot gant unan eus servijoù an Ofis.
E 2001 e oa bet roet lañs gant an Ofis d'ur c'houlzad bras evit kas implij ar yezh war-raok, "Ya d'ar Brezhoneg" e anv, hag a sell ouzh ar gevredigezh en he fezh.
Bep bloaz, d'an diskar-amzer, e vez sevenet ur c'houlzad a-benn kas war-raok an deskiñ brezhoneg gant an oadourien, a-gevret gant an holl re a labour war an dachenn.
Rannvro Breizh he deus deroet d'an Ofis ar garg
da aozañ Prizioù
Rannvroel Dazont ar Brezhoneg, hag a c'haredon
bep bloaz un den, ur gevredigezh hag un embregerezh
evit bezañ labouret en un doare dibar a-benn
kas ar yezh war-raok. 4000 euro a brizioù
a vez rannet etre loreidi pep rummad.
|
|
|
|
| |
|
|
|
|
| |
|
|
| |
|
|
|
