|
|
|
|
|
|
|
Ul logo evit skolioù divyezhek an deskadurezh katolik
Krouet ez eus bet ul logo gant an deskadurezh katolik evit an 93 skol enno un hentad divyezhek (70 skol, 20 skolaj-lise, 3 skol-veur).
D'ar Gwener 23 a viz Du e oa bet lidet war an ton bras al logo nevez-se a roio lufr d'an divyezhegezh er skolioù katolik hiviziken. Kinniget e oa bet al logo e skol divyezhek Lesneven dirak Patrick LAMOUR, rener REGEK (Renerezh eskoptiel ar gelennadurezh katolik) Penn-ar-Bed, Stéphane GOURAUD, Prezidant bodad yezh CAEC (Poellgor akademiek ar gelennadurezh katolik) Breizh ha Lena LOUARN, Besprezidantez karget eus yezhoù Breizh er C'huzul-rannvro.
Dre e c’hraferezh hag e livioù e laka santout al logo-se, skrivet warnañ “hentad divyezhek”, nag a startijenn hag a vuhez a zo tro-dro d’ar brezhoneg er skolioù. Staliet ez eus bet ur blakenn gant al logo-se war un dro e pep hini eus 93 skol divyezhek an deskadurezh katolik.
Tost 5 000 skoliad eo a vez skoliataet en deskadurezh katolik divyezhek eus ar skol-vamm d’al lise.
|
|
|
|