|
|
| |
|
 |
| |
|
|
Al label Ya d’ar brezhoneg roet da gKeleier Info
Label 2 an emglev Ya d’ar brezhoneg a zo bet roet d’an 11 a viz Gwengolo 2012 da “Keleier Info”, un embregerezh servijoù a ginnig raktresoù urzhiataerezh d’an embregerezhioù.
E burevioù Keleier Info e Lanniliz e oa bet aozet al lid-reiñ dirak Bruno hag Anne Tignac, krouerien an embregerezh, Claude Guivarc’h, maer Lanniliz, Reun Treger, rener Ti ar vro Bro Leon hag Andrev Lavanant, diazezer an embregerezh Ouest Hélio e Brest.
Roet e oa bet al label live 2 « e brezhoneg mar plij » da gKeleier Info gant an Ofis Publik evit bezañ kaset da benn ur pemzek ober bennak e brezhoneg. Ur stummadur hir war ar brezhoneg a zo bet heuliet gant Anne Tignac ha gouest eo diwar vremañ da zegemer he fratikoù ha da labourat ganto e yezh ar vro.
An embregerezh kentañ eus KK Bro an Aberioù eo o resev label live 2 an emglev Ya d’ar brezhoneg.
|
|
|
|
